عرب ترند – تصدرت الفنانة اللبنانية مادلين طبر محركات البحث بعد تصريحها الأخير عن “البوركيني”.
وجاء تصريحها لبرنامج “شو في ما في” بعد وصف الناس ارتدائها للمايوه في فيلم “الطريق إلى إيلات” بالجريء.
قالت:” مش جرأة دي سخافة الناس التافهة”.
وتابعت:” مشهد عملته، كان لازم أنزل البحر عشان أغري البحار الاسرائيلي، وأشوف الشباك، هلبس بوركيني؟ لأ طبعا”.
وأضافت:” أنا أعرف اللي عايزة تعوم تلبس مايوه، ممكن تلبس مايوه قطعة واحدة، لكن تتخنق بالمطاط من فوق لتحت ده ظلم يمارس ضد المرأة المصرية، ويقولون إنه لحمايتها”.
وتابعت :”ما تتلموا انتو يا رجالة وما تبصوش، المشكلة في الراجل المصري مش الست المصرية”.
مادلين طبر تُغضب المصريين بسبب البوركيني
وأعرب رواد موقع التواصل الاجتماعي “فيسبوك” عن غضبهم من تصريحات مادلين طبر، وعلقت سمر سعد.
قالت:” ومين قالك إن إللي بتلبس البوركينى خايفة من نظرات الرجالة أو المجتمع”.
أكملت:” ليه متقوليش إنها عايزة تستمتع وتنزل الميه مع ولادها وجوزها، بس في نفس الوقت تحافظ على نفسها وتصون جسمها ومتحرمش نفسها من حاجة”.
وتابعت:” والأهم إنها ما تغضبش ربنا، العُرى مش سهل عند كل الناس”.
وبدوره علق أشرف تمام قال:” ما تخليكى فى حالك علشان ما تسمعيش كلام يزعلك”.
كما أعربت دعاء عن استياها من مادلين طبر بعد تصريحها الأخير عن “البوركيني” قالت:” الهدوم عموما في الحر بتخنقنا ياست الكل”.
وفي نفس السياق قالت دعاء:” ننزل الشارع من غير هدوم خالص ونقول للرجاله متبصش، الله عليكي ياست الكل، لا بجد ماشاء الله فاهمة ودارسة”.
إقرأ أيضاً: MTV: “خبز الهادي” يثير الطائفية بلبنان.. ورواد يسخرون
كما تفاعلت هبة مجدي بمنطق مختلف قالت:” معلش توضيح حضرتك، المشكله في الدين والأخلاق اللي اتربينا عليهم مسلمين ومسيحيين، وبعدين وانتي مالك حد اشتكالك”.
وبدوره أعرب عباس الدندراوي عن غضبه من مادلين طبر بعد تصريحها الأخير عن “البوركيني”.
قال:” نعرف الست فى لبنان، بتنزل البحر مالط، مش بحته واحدة”.
وأكمل:” اختشوا وخلى عندكم دم. هوة اللى انتم فيه شوية ده غضب ربنا عليكم. استقيموا واعتدلوا يرحمكم الله”.
والجدير أن الفنانة مادلين طبر، حصلت على جائزة أحسن ممثلة من خلال مهرجان “همسة”عن مسلسل “ملف سري” لتجسيدها دور الإعلامية إلهام النجار.
