عرب ترند- شنت الفنانة المصرية، شيماء سيف، هجومًا لاذعاً على بعض السيدات والفتيات، بسبب ملابسهن العارية والجريئة في موسم الصيف هذا العام.
وجاء انتقاد شيماء سيف، في منشور شاركته مع متابعيها عبر حسابها الشخصي على “إنستغرام”،حيث هاجمت بشدة الفتيات اللواتي يظهرن بملابس جريئة جدا دون خجل.
“هي البنات دي ما لهاش أب أو زوج”
وقالت:”خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف..المايوه بقي يتلبس في كل مكان مش على البحر بس.. توب المايوه بقي اللبس الرسمي للبنات وفوقه کاش مايوه بیبین أکثر ما بیستر”.
وأضافت شيماء سيف في انتقاده لملابس الفتيات العارية: “هي البنات دي ما لهاش أب أو زوج أو أخ قلبهم يأكلهم عليهم والدم يجري في عروقهم؟.. فين نخوة الرجالة.. فين حياء البنات…والمصيبة أن كل الأعمار وكل الأحجام مش بتفرق.. الموضوع زاد أوي تحت مظلة أنه بلاش خجل الجسم وكلام فاضي، فين الحياء؟”.
“العري تخلف”
وتابعت: “الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط غلط ولو أصبح عادة للكل، هافضل أقول ده غلط حتى لو كنت لوحدي اللي بأقوله”.
وتابعت: “العري مظهر من مظاهر التخلف الفكري، واللي فاكر إنه تحضر ماشي ورا القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقي مباح كدة للناس كلها؟ ربنا يستر علينا جميعا ويهدي البنات والأولاد ويشوفوا الغلط غلط مهما کتر.. ربنا أرنا الحق حقا وأرزقنا اتباعه وأرنا الباطل باطلا وجنبنا اتباعه”.
وأثارت منشور شيماء سيف وانتقاده لملابس الفتيات العارية جدلا واسعا،حيث انقسمت الآراء بين المؤيدة لموقف الفنانة المصرية وأخرى معترضة كون اللباس يدخل في إطار الحريات الشخصية.
ودفع الجدل الذي أثير في هذا الشأن، شيماء سيف إلى تأكيد موقفها مما كتبته على “إنستغرام”، حيث قال في تصريح إعلامي إنها أوضحت وجهة نظرها وقالت كل الكلام الذي أرادته في منشورها.
توضيح شيماء سيف
وعن حالة الجدل والانتقادات التي تعرضت لها بسبب هذا المنشور، صرحت: “هما حرين زي مانا ليا رأي هما كمان ليهم رأيهم أنا لم أرى هجوم في التعليقات على ما كتبته بالعكس هناك تأييد لما أقوله ولو حد هاجمني فأنا أحترم ذلك فلابد أن نحترم رأي بعضنا البعض”.
وأضافت: “بالعكس فيه ناس كتير بعتتلي قالتلي أحنا معاكي في اللي بتقوليه ومع وجهة نظرك واتبسطت جدا بالتعليقات دي”.
وبسؤالها عن ما كتبته تقصد به فنانين زملائها ومن الوارد أن يغضبوا منها قالت: “لا خالص انا لم أقصد حد معين وقولت اللي أنا عاوزاه جوة البوست وانا قولت كل التوضيح”.
