عرب ترند- رد الفنان المصري، شريف منير، على منتقدي ابنته أسما شريف مني،عقب حلق شعرها “زيرو”، على طريقة الفنان شيرين عبد الوهاب من قبل، مشيرًا إلى أنه معجب بإطلالتها الجديدة.
وتعرضت أسما شريف منير إلى انتقادات لاذعة بعد نشر مقطع فيديو على حسابها على “إنستغرام” وهي تحلق شعرها بالكامل،في خطوة قالت إنها شجاعة، وبعد ساعات من حلقها لشعرها، ظهرت ابنة شريف منير على السجادة الحمراء لمهرجان القاهرة لدراما.
رد شريف منير على منتقدي ابنته
وفي رده على الهجوم الذ تعرضت له ابنته،خاصة باطلالتها في المهرجان، قال شريف منير إن ابنته حرة فيما تقوم به وأنه معجب بشجاعتها وإطلالتها.
وقال في فيديو شاركه مع متابعيه على “إنستغرام”: “إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها”.
وتابع:”بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد”.
Voir cette publication sur Instagram
وأضاف :”قبل ما تتكلموا بصوا على نفسكم .. اتفرجوا على عيلتكم ولادكم اخواتكم الناس اللي حواليكم .. قبل ما تنتقدوا وتغلطوا في تــربيه حد…أنا بنتي متربية كويس جدا”.
وواصل حديثه :”ريحوا نفسكم…لان اللي حصل من بنتي مش غلط ومش عيب .. هي مغلطتش في حد فيكم .. هي حره في نفسها .. وعندها 36 سنة وام وعندها بنوته ومسئولة عن نفسها .. فـأنا اب مسئول إنها احميها…إنما هي حرة في تصرفاتها .. وبكرر تاني اسما انتي شكلك حلو جدا وكنتي زي القمر وخدتي التريند برافو عليكي…متسمعيش كلام حد…ومتهتميش بكلام حد وانا مش مهتم بالكلام اللي بيتقال عليا او عليها .. المهم ان احنا مبنضرش حد”.
حلق أسماء شريف منير لشعرها
وكانت أسماء شريف منير، قد نشرت فيديو عبر حسابها الشخصي على موقع “إنستغرام”، ظهرت فيه و تقص شعرها بماكينة حلاقة على الزيرو، مما أثار الجدل و دهشة عدد كبير من المتابعين.
وعلقت قائلة أسماء شريف منير: “شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغدد وتأثيرها عليه، قررت أنفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل”.
إطلالة أسما في مهرجان القاهرة للدراما
وبعد ساعات من حلق شعرها أمام متابعيها، ظهرت أسماء شريف منير على السجادة الحمراء للدورة الثانية مهرجان القاهرة للدراما في مدينة العلمين الجديد لأول مرة بـ”لوك” مختلف، حيث صبغت فروة رأسها باللون الأصفر، واعتمدت مكياج وإطلالة جريئة.
وفي تصريحات إعلامية، ردت أسماء شريف منير على منتقديها بإنها أحبت هذه الخطوة لأنها جريئة وتحتاج لقوة،قائلة:”محدش يقدر يعمل كده”.
أما عن موقفها والدها، قالت أسما :”مواجهتش والدي شريف منير لحد دلوقتي بعد حلاق شعري.. وطول الوقت على خلاف معايا ومبيحبش أي حاجة بعملها وبيضايق من تصرفاتي، والناس بتصطاد في المياه العكرة”.
كما أشات إلى أنها حلق شعرها “راحة وصفحة جديدة وجزء من الموضوع نفسي ومحاولة لتخطي الأزمات، ولما شفت شيرين عبد الوهاب حلقت شعرها عرفت أنها حاجة نفسية وريحتها”.
