عرب ترند- تصدر اسم الفنان رامي جمال حديث السوشيال ميديا ومحرك البحث “غوغل” عقب تصريحاته التلفزيونية التي تحدث فيها لأول مرة عن أسرار تهم حياته الشخصية على غرار حرمانه من حلم الأبوة وإصابته بمرض البهاق وغيرها.
وجاءت تصريحات رامي جمال خلال حلوله ضيفا على برنامج “حبر سري”، مع الإعلامية أسماء إبراهيم، على قناة “القاهرة والناس”.
الحزن وراء إصابته بالبهاق
وكشف رامي جمال، تفاصيل سبب إصابته بمرض البهاق لأول مرة، قائلا:”المرض بالفعل جالي بسبب الحزن، والقصة بدأت أني في يوم سافرت أصور أغنية ليا مع مخرج وكانت تكلفتها ضخمة مبلغ 100 ألف دولار، وبعد انتهاء التصوير لقيت المخرج بيماطل في تسليم الكليب”.
ولفت إلى أنه مع إصراره على معرفة أسباب المماطلة، أخبره المخرج أن “الهارد المسجل عليه كل تفاصيل الكليب اتكسر”، مشددا على أنه “كان ابتلاء كبيرا وحركة لو حد جديد ميقعش فيها وفكرت أنه ممكن يكون مقصودة ولكن طلع كلامه صح”.
وأوضح رامي جمال أن الواقع كنت في بداية مشواره الفني، موضحا بالقول:”راحت الفلوس وربنا كرمنا بالحل ولكن كان صعب وقتها، وبعد كده استشهد صديقي عمرو صلاح وحزنت جدا عليه لأنه صديق عمري وجالي بعدها السكر”.
معاملة الناس له بعد مرضه بالبهاق
وتحدث رامي جمال أيضا عن معامله الناس له عقب إصابته بالبهاق،واصفا إياها بـ”السيئة”،حيث قال في هطا السياق:”قابلت ناس مش كويسة لما جالي البهاق وفيه حد مرة مد إيده وما سلمش عليَّ بسبب البهاق، وواحد تاني بعد لما سلم عليَّ فضل يغسل إيده على الشاطئ وسأل مراتي هو دا معدي، أنا ما أحبطتش من شوية، فمراتي قالت لي احنا نقوم نمشي علشان دا قلة ذوق واليوم دا أنا اتضايقت مش علشاني لكن علشان مراتي لأنها أحرجت لي”.
الحرمان حلم الأبوة
وفي سياق الكشف عن أسرار حياته الخاصة، تطرق رامي جمال أيضا إلى حرمانه من حلم الأبوة،حيث أكد وجود عائق طبي يمنعه من إنجاب طفل يحمل اسمه، معرباً عن رضائه بقدره وبما كتبه الله له،خاصة وأنه يعتبر أبناء شقيقه بمثابة أولاده.
وقال رامي جمال إن “ربنا ما بتتعاندش وعرفت إني عندي مشكلة في الإنجاب، ونفسي يكون عندي ابن يحمل اسمي بس من نعم ربنا إنه بيراضيني بكل حاجة وباشوف ولاد أحمد أخويا ولادي وولاد أي حد أعرفه من قلبي ولادي”.
ولفت رامي جمال إلى أن الأمر في البداية أزعجه نفسياً إلا أنه تقبله عقب ذلك، قائلا: “سبحان الله ما بقيتش أفكر في موضوع الإنجاب كنت اللي بخاف عليه مراتي ناريمان وخفت تكون مؤذية من الحتة دي، وقلت لها في مرة احنا بنعيش مرة واحدة مفيش وقت تعملي جدعة وتضيعي على نفسك حلم الأمومة”.
الرضاء بالقضاء الله
وتابع:”الراجل ممكن يعيش عادي الست اتخلقت عندها الغريزة رقم 1 الأمومة، عمري ما هشوفك قليلة الأصل لو مشيتي بس هي زيي قالت لي كل أنواع الرزق بتيجي لكل شخص لوحده إلا الخلفة دا رزق مربوط لاتنين ولو مكتوب لي أخلف منك هخلف منك ولو مكتوب لي هيبقى منك ولو مش مكتوب لي مش هسيبك لإني ممكن اتجوز من شخص تاني وما خلفش فساعتها هبقى خسرت البني آدم اللي بحبه”.
وواصل حديثه في هذا الموضوع:”وفي الآخر هو حلم بسيط بالنسبة لي ما بقاش نفس التفكير بتاع زمان، وطالما ربنا شايف إني أحسن لي مفيش أنا راضي، وجايز أخلف ويتخطف أو يبقى عنده مشكلة أو يحصل له حاجة قبله، فلازم نفكر إزاي اتمنع والحمد مش في العطاء ولكن في المنع”.
وأضاف:”والله من قلبي بقول يا رب أنا راضي والله بكل حاجة حصلت لي واللي يهمني إن اللي بحبهم يبقوا كويسين وما يبقاش الموضوع عامل مشكلة جوا أهلي أو مراتي، أتمنى ميبقاش حد متضايق ليَّ لإني مش متضايق ومش الحلم الرهيب”.
