عرب ترند- أثارت المطربة، بوسي، جدلاً واسعاً بتصريحاتها الجريئة حول طلقيها وأسرار حياتها الخاصة، وتصدرت بذلك الترند عبر محرك البحث “غوغل” ومنصات التواصل.
وجاءت تصريحات بوسي خلال حلولها ضيفة على برنامج “حبر سري”، الذي تقدّمه الإعلامية أسما إبراهيم عبر قناة “القاهرة والناس”.
“طليقي شغلني بملاهٍ ليلية”
وأكدت بوسي أن طلقيها أجبرها على العمل في الملاهي الليلية دون رضاها، قائلة: “طليقي اللي كان جابرني على الشغلانة في شارع الهرم وضربني علشان أنزل الملاهي الليلية في شارع الهرم وكان بيتخانق معايا ويضربني وبيهينِّي علشان أنزل أشتغل في الملاهي الليلية”.
وتابعت: “أنا عانيت كتير وأنا صغيرة والحمد لله إن لسه فيَّ شوية عقل ولو واحدة غيري شافت اللي أنا شُفته كانت لسعت ومشيت في الشوارع أو راحت مستشفى المجانين في العباسية”.
وأضافت: “شغلي في شارع الهرم فيه ميزة واحدة إنه علمني إزاي أتعامل مع الناس وبقى عندي خبرة في التعامل لكن بصراحة أنا ندمانة إني اشتغلت في الأماكن دي لإنها مش شبهي”.
ولفتت إلى أنها تزوجت في عمر صغير: “اتجوزت وأنا عمري 19 سنة وكنت لسه صغيرة وكان قافل عليَّ لدرجة إنه كان مانعني أشوف أهلي وأصحابي والمقربين علشان يكوش عليَّ وما حدش يلعب بدماغي ويكسب من ورايا أكتر”.
تكذيب تصريحات طليقها
كما كذّبت بوسي تصريحات طليقها التي قالها فيها إنه أنتج لها أغانيها في أثناء فترة زواجهما، وأنفق عليها مبالغ مالية كبيرة.
وردّت بوسي على طليقها بالقول: “طليقي بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها”. وأضافت: “أنا كنت ست وراجل البيت وصرفت وعملت كل حاجة، حتى الأغاني من فلوسي، لكن كان كاتب التنازلات باسمه ويقول من إنتاجي”.
علاقتها بزوجها هشام ربيع
وحول علاقتها بزوجها هشام ربيع، الذي تم ألقاء القبض عليها خلال الأيام الماضية بتهمة بالاستيلاء على 8 مليون جنيه من طليقها وحبسه على ذمة التحقيقات، أوضحت بوسي أنه الشخص الوحيد الذي تلجأ إليه عندما تشعر بأنها لم تعد قادرة على تحمّل المشاكل التي تتعرّض لها بسبب أقرب الناس إليها.
وقالت: “بعيّط في حضن جوزي كتير بسبب اللي بتعرض له، حاجات كتيرة على نفسيتي وأعصابي، بالذات من أقرب الناس لي… ربّنا مش بيدي حاجة لحد إلا لو هو قدها، لكن ممكن في وقت تتعبي من أقرب الناس، لما تدّيهم وهم وحشين معاكي”. وأردفت بالقول: “إحنا متعودين على متاعب الشغل، لكن في حاجات أسوأ بكتير تخليكي تتعبي من الحياة كلها، وجوزي بيصبّرني عليها”.
