عرب ترند- علّقت الإعلامية المصرية، رضوى الشربيني، على سجود ريم طارق زوجة فنان المهرجانات حسن شاكوش، خلال حفل زفافهما، والتي أثارت كثيراً من الجدل عبر منصات التواصل الاجتماعي.
وتداول نشطاء السوشيال ميديا، صورة سجود زوجة شاكوش أمام الحضور وكاميرات الصحفيين بشكل واسع، وفُسّرت على أنها شكر لله على زواجها من شاكوش، وتصدّرت “ترند” يوم الجمعة الماضي.
رضوى الشربيني تعلق على سجود زوجة شاكوش
وفي برنامجها “هي وبس”، قالت رضوى الشربيني، المعروفة بدفاعها عن المرأة وحقوقها، من خلال النصائح التي تقدّمها في برنامجها التلفزيوني: “كتير من الناس طالبوني بالتعليق على الصورة الواقعة، هقول إيه ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جداً”.
وتابعت الشربيني: “وآخر حاجة كنا بنشوفها إن لاعيبة الكورة يسجدوا لما يجيبوا جول، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش ده قبل كده”.
وتابعت في سياق تعليقها: “ولكن كل واحد حر يعبر عن فرحته بالطريقة اللي تعجبه، دي الطريقة اللي هي شافتها مناسبة إنها تعبر عن شعورها وفرحتها بزواجها من حسن شاكوش، دي مش مشكلتنا، لكن مشكلتنا في المنظر اللي شايفينه ومش عايزة اللي حصل ده يبقى تريند والعرايس يوم فرحهم يسجدوا قدام الناس كده، ونشوف كل وحدة ساجدة بفستان الفرح على الأرض وتحمد ربنا على عريسها”.
وواصلت القول: “مايصحش يعني، فكرة أنه في وحدة ست، هانم، ليدي تنزل على ركبها على الأرض قدام الناس بفستان الفرح، مايصحش… لأ لأ إنتي تسجدي لربنا على جوزك في أوضتك”. وتابعت: “ياريت البنات المقبلين على الزواج ماتعمليش الحركة دي أبداً أبداً..”.
رسالة رضوى الشربيني لحسن شاكوش
رفضت الشربيني القيام بمثل هذه الحركات علناً، وأوصت جميع الفتيات بعدم القيام به، موجّهةً بالمناسبة رسالةً للفنان حسن شاكوش، قالت فيها: “أنا عايز أبارك لحسن شاكوش رغم أني مابعرفوش وأقولو ألف مبروك ياعريس ويارب تكون زواجة العمر”.
واستدركت: “بس يارب تكون أنك تكون قد أنه في وحدة ست سجدت لربنا سبحانه وتعالى في وسط الناس عشان تقول للناس كلها الحمد لله على أنه أعطاني حسن شاكوش وقالت إنه هو العوض، فيارب تكون على قد المشهد”.
وكانت ريم طارق قد أثارت كثيراً من الجدل عبر منصات التواصل الاجتماعي، بعد سجودها بفستان الزواج وأمام عموم الحاضرين والصحفيين شكرا لله على زواجها من مغني المهرجانات حسن شاكوش.
واحتفل الثنائي بزواجها، في أحد الفنادق بالقاهرة، حيث وقد أحيا كل من النجم مصطفى قمر وتامر حسنى حفل زفاف شاكوش.وحرص على الحضور كل من: المطرب عمر كمال وحمو بيكا وأحمد باتشان، وأصدقاؤه وأقاربه.
