عرب ترند – رد مشهور مواقع التواصل السوري يمان نجار على الفنان الشهير نجم سلسلة مرايا ياسر العظمة بعد انتقاد الأخير له واتهامه بقطع الكهرباء عن السوريين.
وقال نجار بفيديو عبر فيه عن احترامه لقدر ياسر العظمة وكونه فناناً كبيراً حسب وصفه إلا أنه أكد أن الاتهام خاطئ داعياً إياه لإعادة حساباته.
وأردف اليوتيوبر السوري: “يبدو أن الي عم يكتبولك الأفكار في الهم مشكلة معي، وأنت فنان كبير مالك فاضي تتابع هيك قصص، والي عم يكتبلك يبدو عندو أزمة معي”.
وأكمل يمان نجار: “مستحي أوجه الكلام لفنان قامة كبيرة متل ياسر العظمة، معقول ما يكون متابع الشخص صح قبل ما يحكي عليه، أنا كتير صغير قدامك”.
وتابع: “أنا ما أذيت حدا، و ما زتيت براميل على أهلي وناسي وما قطعت الكهرباء على المناطق الشرقية لما قصفوها، وما أنا الي اعتقلت مليون سوري وهجرت وشردت كتيرين”.
ولفت مشهور مواقع التواصل يمان نجار إلى أنه “سينطق كلمة الحق سواء كان مشهوراً أو غير مشهور”، مردفاً: “أتمنى أن لاتكون مشاركاً بحملة يقودها النظام ضدي”.
ياسر العظمة وهجومه على يمان نجار
وكان ياسر العظمة قد ذكر في حلقته التي انتقد فيها برامج الكاميرا الخفية: “شب على تيك توك بيعمل مقلب بشركة الكهرباء”.
وأضاف العظمة عن يمان: “بيقطع الكهرباء عن حي كامل يلي فيه مستشفيات ومرضى ومصانع ومحلات وكلو مشان الضحك” حسب زعمه.
https://www.youtube.com/watch?v=A5bNU_pkDZA
يذكر أن الناشط السوري محمد شازار رد أيضاً على فيديوهات ياسر العظمة التي تجاهل فيها المسؤول الرئيسي عن إبادة السوريين وقتلهم وتدمير بلادهم.
وقال شازار مخاطباً ياسر العظمة: أنا ومرتي وولادي طلعنا من البلد وكان نسبة موتنا أكتر من نجاتنا بتعرف ليش؟ لأن كان ناقصنا مي وكهربا”.
وذكر أيضاً: “يا أبو أنور سمعاني شي سمعان براميل متفجرة، أكتر من 100 ألف برميل نزلوا ع داريا، حاويات على درعا، كيماوي على الغوطة، سكود على إدلب سمعان بشي اسمو فوسفوري”.
وختم حديثه مواصلاً خطاب نجم سلسلة مرايا “إذا وقف عندك الزمان أنا بقلك نحن طلعنا من البلد وتهجرنا من أفرع الأمن والمخابرات وجرائم قصف المدن بالفوسفوري والعنقودي والانشطاري.. فيقوه يا شباب شوفوا الناس شوفوا”.
