عرب ترند – كشفت الفنانة ألفت إمام أن التطور التكنولوجي هو السبب الرئيسي وراء عدم رغبتها بالإنجاب.
كما أوضحت ألفت في حوارها مع الإعلامية ياسمين عز، من خلال برنامج “كلام الناس” المقدم على قناة mbc مصر، أن التطور السريع الذي يشهده العالم خلق داخلها خوف كبير على طفلها.
قالت:” خوفت على الطفل اللي هنجيبه من الموبايل وتطور النت السريع، وماكنتش هقدر أخلف وأنا بنزل الشغل كان مين هيتابعه وقتها؟ هسيب قلبي لمين؟”.
وتابعت:” التطور خلى الدنيا قرية صغيرة بس أنا هاخد إيه من القرى المجاورة”.
وأكملت:” أنا كنت في القرية بتاعتي عارفة الأدب والأخلاق، والتدين الطبيعي مش لازم أربي دقن أو أغطي عقلي”.
وأعربت ألفت عن محبتها في تأمل الأشياء التي حولها وتحديداً أثناء قراءتها القرآن الكريم.
وقالت:” إللي ربنا فاتحها عليه وهو بيقرأ بيبدأ يتأمل الأشياء رايحة لفين وهتوصل لفين، ده بيبقى فضل من عند ربنا”.
كما واصلت:” أنا واحدة من الناس اللي بعمل اللي ربنا قالي عليه مش حد تاني”.
ألفت إمام والتجميل
وفي سياق منفصل أعلنت ألفت إمام لجوئها لعمل البوتوكس والفيلر كل فترة.
قالت:” أصل في ناس بتلجأ للبوتكس والفيلر وبتكون عايزة تحط كيلوهات إنما في ناس بتلجأ للتجميل البسيط”.
وتابعت:” أنا بلجأ للبوتكس والفيلر عشان لما أصحى الصبح كل يوم وأنا بغسل أسناني وأكون واقفة قدام المراية أصبح على ألفت”.
كما أردفت:” ألفت إللي أنا عارفه ملامحها وعارفه شخصيتها، فأحس إن مفيش تغيير كبير طرأ”.
وفي نفس السياق أعلنت ألفت إمام أنها تركت شعرها بدون أي صبغات منذ سبع سنوات مضت.
قالت:” دائماً الروح ثابتة رغم تغيير ملامح الجلد والوجه، ما بين تخن ورفع، والروح هي المتحكمة في الإنسان وهي الأساس”.
وكشفت ألفت إمام عن طريقتها في الحفاظ على وزنها من خلال ممارسة الرياضة سواء سباحة أو ركوب الدراجة، معلنة أكلها كل شيء دون حرمان.
وأعلنت ألفت إمام عن استيائها من الكتاب المصريين الذين صبوا اهتمامهم على الفئة الشباب.
وقالت:” في ممثلين كتير جداً محترمين وموهوبين ومش بيشتغلوا، مش عشان وحشين، لإن الطلب عليهم فقط في أدوار ضيوف شرف”.
وأعلنت ألفت عن رفضها الظهور في الأعمال الدرامية ضيفة شرف لإيمانها بمجهورها الذي بذلته في بداية حياتها المهنة، لاكتساب الخبرات وتنوع الأدوار، رافضة أن تعود مرة ثانية للوراء.
وتابعت: “خدت فترة عشان أتثبت في مكانة مناسبة ليا، وأنا مش عايزة أبقى فوق جداً ولا تحت جداً، أنا عاوزة أثبت نفسي دلوقتي في درجة تكون عملالي إشباع نفسي وأنا مبسوطة بيها”.
واللافت حصلت الفنانة ألفت إمام على بكالوريوس فنون مسرحية من المعهد العالي للفنون المسرحية.
كما فازت بجائزة التمثيل الثانية عن فيلم “هستيريا” عام 1998.
والجدير بالذكر أن آخر أعمال الفنانة ألفت إمام مشاركتها في مسلسل “في ال لا لا لاند” بجانب دنيا سمير غانم، وحمدي المرغني، وشيماء سيف.
