عرب ترند – أثارت الإعلامية المصرية ياسمين عز الجدل، بمجموعة تصريحات، من خلال برنامجها “كلام الناس” المقدم على قناة mbc مصر.
وأشعلت الإعلامية المصرية، مواقع التواصل الاجتماعي، وتصدرت محركات البحث بتصريح غير مألوف أمام الدكتورة سعاد صالح.
وقالت:” من حق الأم الاحتفاظ بمفتاح بيت الزوجية الخاص بابنها، كما يمكنها دخول غرفة نومه والاطلاع على ملابس زوجته الخاصة”.
وقدمت ياسمين عز نصائح للسيدات من خلال برنامجها “كلام الناس” قالت: “المركب اللى ليها ريسين تغرق”.
وتابعت:” لازم قبل ما تتجوزي تكوني عارفة أن رئيس المركب هو الزوج، قولاً واحد، والكلمة الأولى والأخيرة ليه”.
وقالت في تصريح آخر:”الراجل من حقه يمسك تليفون مراته زي ما هو عايز والست مش حقها”.
وطالبت ياسمين من الزوجة إلغاء كرامتها قائلة:” اللي موجود في الجواز المحبة، أول ما تتجوزي تحطي كرامتك في الدرج”.
وتساءلت الإعلامية الشابة:” ليه الزوجة تاخد غيارات زوجها القديمة، تنضف بيها المطبخ”.
وخرجت بتصريح أثار ضجة كبيرة قائلة:”بتزعقي لجوزك ليه عشان بيدوس على سجادة الصالون بجزمته، ما هو جايبها بفلوسه”.
رواد “تويتر” منقسمون
وتفاعل رواد موقع التواصل الاجتماعي، مع تصريحات الإعلامية ياسمين عز وكان من بينهم الفنان القدير نبيل الحلفاوي.
معلقاً على تصريح سجادة الصالون بقوله:”عشان بتحافظ على فلوسه”.
عشان بتحافظ على فلوسه. https://t.co/ADI2CJObZZ
— نبيل الحلفاوي (@nabilelhalfawy) October 1, 2022
وبدوره علق الفنان خالد سرحان على تصريحات ياسمين الأخيرة قال:” “البت دي عايزة تعمل ترند، والناس تتكلم عنها بلاش تساعدوها في الهبل”.
كما أعربت أميرة أبو شهبة عن استيائها من تصريحات ياسمين عز قالت:” قبل كده كانت واخدة ترند تسأل الفنانين أسئلة فيها تعهير للفنون والتوبة، وإزاي فلانة بتبوس”.
وأكملت أميرة:” وتقبل إن مراتك تمثل، إزاي عايز مراتك تبوس في فيلم، وهكذا”.
وواصلت:” ثم ركبت ترند الاغتصاب والضرب، وفضلت تستضيف شيوخ من بتوع حقه، وتأكد ده بكلام مصاطب”.
وختمت:” وحالياً مع تريند فيها إيه لما جوزك يستعبدك يابت”.
#ياسمين_عز قبل كده كانت واخدة تريند تسأل الفنانين أسئلة فيها تعهير للفنون وتوبة وازاي فلانة بتبوس، وتقبل ان مراتك تمثل،ازاي عايز مراتك تبوس في فيلم..وهكذا
ثم ركبت ترند الاغتصاب والضرب وفضلت تسضيف شيوخ من بتوع حقه وتأكد ده بكلام مصاطب
وحاليا مع تريند فيها ايه لماجوزك يستعبدك يابت— أميرة أبوشهبة𓂀🇪🇬 (@mira_aboushahba) October 1, 2022
لكن محمد ابراهيم أثنى على تصريحات ياسمين عز المثيرة للجدل قال:”انتي مش متخيله أنا مبسوط بيكي قد ايه”.
وتابع:” بجد هي دي والله الدماغ اللي بدور عليها”.
انتي مش متخيله انا مبسوط بيكي قد ايه بجد
هي دي والله الدماغ اللي بدور عليها#ياسمين_عز pic.twitter.com/1GKJsBHA7d— Mohamed ibrahim (@mohmedibrahiim) October 1, 2022
الإعلامية ياسمين عز في سطور
بدأت ياسمين عز مشوارها الإعلامي من خلال برنامج “عز الشباب” على قناة روتانا المصرية.
كما قدمت مجموعة برامج على قناة “mbc مصر” منها صباحك مصري، حديث المساء، ليلة خميس، وأخيراً كلام الناس.
وشاركت في مسلسل “برة الدنيا” عام 2010، كما شاركت في مسلسل “الصفعة” إنتاج 2012.
