ترند- تصدّر الإعلامي المصري محمود سعد، حديث رواد مواقع التواصل الاجتماعي، بعدما كشف عن علاقته بوالده.
وخرج محمود سعد منذ أيام في بث مباشر عبر صفحته الرسميّة بالفيسبوك، ليتحدّث فيه عن والده، الذي لم يتأثر بوفاته.
وأكد خلال البث المباشر، أنّه لم يكن يحب والده، ليثير الجدل بما ذكره عنه، مما جعله متصدّرًا حتى الآن حديث الجمهور بمواقع التواصل.
وقال محمود سعد في البث عن والده: “لما والدي توفى متأثرتش ولا كنت حاسس بحاجة، أنا حتى مش فاكر هو مات امتى”.
وتابع “أنا أبويا كان خالع نفسه من حياتنا رغم أنه كان غني، ورغم إن تربية أمي نجحت ومطلعتش مجرم ولا صايع”.
واختتم: “لما اسمع حد بيتكلم عن أبوه بتضايق، ولما كبرت بقيت أقول أبويا إيه الذكرى اللي سابهالي مالقتش حاجة”.
ما بين داعم ومهاجم.. رد فعل الجمهور
وبمجرّد أن شاهد البث المباشر الكثيرون، أصبح محمود سعد مادّة مثيرة للجدل، فانقسم الجمهور ما بين داعم ومهاجم.
فهناك من هاجمه على تصريحاته بشأن والده، مبررين ذلك بأنه مهما كان هذا الأب يجب احترامه وعدم الحديث عنه بهذا الشكل.
بينما أيّد البعض تصريحاته ودعموه ضد مهاجميه، مطالبين بضرورة أن يهتم الآباء بأبنائهم ليس ماديًّا فقط بل ومعنويًّا ونفسيًّا أيضًا.
تجربة أستاذ محمود سعد حزينة جداً وتوجع القلب واللي يتعب اكتر انه مش قادر يتجاوزها لحد دة الوقت ولسة بيتكلم عنها بمرارة ووجع ومش فاهمة الناس اللي بتهاجمه! لو ربنا كرمك بأهل كويسين فأنت شخص محظوظ اشكر ربنا ع تجربتك وبلاش تنظر ع غيرك ما تعرفش قلب غيرك شايل إيه! ما تبقوش أنتم والزمن!
— نانسي صليب (@thenoussa) August 8, 2022
ولعل أبرز التعليقات على تصريحات محمود سعد، ما قالته نانسي صليب: “تجربة أستاذ محمود سعد حزينة وتوجع القلب”.
وتابعت في تغريدتها: “اللي يتعب اكتر انه مش قادر يتجاوزها لحد دة الوقت ولسة بيتكلم عنها بمرارة ووجع”.
ودافعت نانسي عن محمود سعد ضد مهاجمي تصريحاته بشأن علاقته بوالده بقولها: “مش فاهمة الناس اللي بتهاجمه!”.
واستكملت: “لو ربنا كرمك بأهل كويسين فأنت شخص محظوظ اشكر ربنا على تجربتك”.
واختتمت نانسي تغريدتها قائلة: “بلاش تنظر ع غيرك ما تعرفش قلب غيرك شايل إيه، ما تبقوش أنتم والزمن”.
بجد خلاص انا تعبت من الناس اللي بتقدس الاهل بشكل مستفز وفج يعني راجل في سن محمود سعد لسه مجروح من اللي كان مفروض ابوه عمله فيه!! موضحش ليكم ان الاثار النفسيه لإهمال الاهل لولادهم بتوصل معاك لاخر العمر! متخيلين https://t.co/IFDxCgkrS8
— يارب فك الديكة (@chubbychubbygl) August 9, 2022
بينما قالت بلوسم: ” بجد خلاص انا تعبت من الناس اللي بتقدس الاهل بشكل مستفز وفج”.
وأوضحت: “يعني راجل في سن محمود سعد لسه مجروح من اللي كان مفروض ابوه عمله فيه”.
ودافعت إحدى مستخدمات تويتر تحمل اسم “راء” عن محمود سعد: “إني أحب ابني دي فطرة، أن ابني يحبني ده حب مكتسب”.
إني أحب ابني دي فطرة.. أن ابني يحبني ده حب مكتسب لازم يشوف مني ما يجعله يحبني مش هيحبني عشان اسمي في شهادة ميلاده بس..
بطلوا مزايدة على #محمود_سعد لو كنتوا مكانه كان ممكن تقولوا بصيغ اسوء بكتير.— راء (@Raa__R12) August 9, 2022
وتابعت: “لازم يشوف مني ما يجعله يحبني مش هيحبني عشان اسمي في شهادة ميلاده بس”.
واختتمت: “بطلوا مزايدة على #محمود_سعد لو كنتوا مكانه كان ممكن تقولوا بصيغ اسوء بكتير”.
وعلى الجانب الآخر، انتقد محمد سليم تصريحات محمود سعد: “الفكرة بس ليه أطلع أشهر بأبويا”.
وتابع: “من حق محمود سعد يكره ابوه ويبغضه كمان طالما هو كدا بس ليه التشهير مثلاً انا كأب استفدت ايه من كلامه”.
الفكرة بس ليه أطلع أشهر بأبويا ،من حق محمود سعد يكرة ابوة ويبغضة كمان طالما هو كدا بس ليه التشهير مثلاً انا كأب استفدت ايه من كلامه !
— Mo7amad Alaنwar ♠️☠ (@Mo7amdSleem) August 9, 2022
بعد إثارته للجدل بحديثه عن والده.. محمود سعد يوضّح
علق محمود سعد، على الجدل الدائر حول تصريحاته عن والده، حيث خرج ليوضّح الأمر عبر حلقة من برنامج “ونس” على قناته بموقع يوتيوب.
وقال: “أنا شفت إنسان قاسي، وما حكيتش أي قصص عن اللي حصل لي مع أبويا، لإني خايف من أمي لما أنزل لها التربة، لإنها هتزعل”.
اقرأ أيضًا: جمال العدل يسيء للخليجيين وسم يتصدّر تويتر.. ومطالبات سعودية بمقاطعته “فيديو”
وتابع: “وما حكيته مقتطفات سريعة عشان الناس تستفيد، لما عملت بث على فيسبوك، اتكلمت عن الراجل اللي لا بحبه ولا بحترمه”.
وأوضح: “اللي مابيديش ورث لبنت، ويسيب مراته تشتغل وتتبهدل وهو قاعد على القهوة، وينفصل عن زوجته ولا يرعى ولاده ماديًّا ونفسيًّا وفكريًّا”.
أمّا عن والده، قال: “لكن لما أتكلم عن أبويا، الأب محترم في كل الأوضاع، ممكن تحبه أو لا تحبه، وأبويا كنت بحترمه جدًّا”.
محمود سعد من هو؟
هو إعلامي وصحفي مصري، ولد في 28 يناير 1954، متزوج من الصحفية نجلاء بدير ولديه ابنة واحدة اسمها (مي).
شارك كممثل في بعض الأفلام كفيلم “الرجل الثالث” و”أمير البحار” ومن أشهر البرامج التي قدمها “على ورق” و”البيت بيتك” و”باب الخلق”.
